很多港人在申請 BNO 續期時，一聽到副署人、副簽就因而卻步，可能大家都覺得要找一位副簽人很麻煩！但其實每年成功續領 BNO 的人士有增無減，說不定今天要找到你身邊合資格的副簽人已經比以往容易。
究竟什麼是副署人？什麼人的 BNO 續期申請需要提交副署人証明？哪些人可成為自己的副署人？副署表格要怎麼列印？怎麼填？這篇文章將一一為你解答。
立即詳細了解 完整續領 BNO 的4項申請步驟
■ 完整申請手續．10分鐘完成．超詳細圖文教學
■ 網上申請系統．圖文詳細教學
■ 副署人、副簽懶人包
■ 查詢有沒有申請過 BNO 的方法
續領BNO｜郵寄教學
■ 申請文件怎樣郵寄英國？空郵好？快遞好？
■ DHL 寄件教學．上門收件 3 日就寄到英國
■ BNO文件郵寄經驗．推薦使用空郵掛號
續領BNO｜成功申請
■ 只需3星期．全新BNO成功申請到手！
■ 續領 BNO 要幾耐？讀者成功案例分享！
■ 收到新BNO護照．有什麼應該做？
什麼是副署人？
經我個人理解後認為：副署人是一位受英國護照署認為可信的專業人士，其作用是為申請人作身份確認的見證人。
當英國護照署 (Her Majesty’s Passport Office, HMPO) 收到不能單靠一般文件以確認申請者外貌與身份配合的護照申請時，HMPO 便有機會要求申請者尋找認識 2 年或以上的專業人士成為其申請的副署人。
副署人需填寫有關的証明表格以向 HMPO 確認申請人的外貌與申請人的身份配合且正確屬實。
而「副署」或「副簽」所指的都是 Countersignatory 。
哪些申請有機會要提交副署人証明？
- 申請 first adult passport
- 申請 first child passport
- 申請 續簽11歲或以下兒童的護照
- 申請 更換丟失、被盜或損壞的護照
- 申請 續簽時的外貌有發生變化，且以您現有的護照是無法識別屬同一人
詳情參考HMPO網頁 When you must get a signature and who can sign
怎樣知道我的申請是否需要副署人証明？
續領BNO的申請連結：https://www.gov.uk/overseas-passports
當你透過 HMPO 的網上系統申請續領 BNO 時，你首先需要回答大約 8 題的基本問題(以持有舊 BNO 在手為例)。其後，申請系統會自動分辨你的申請是否需要副署人証明，並在你正式遞交完整網上申請及付款前，已用文字清楚解晰給你。
如不需提交副署人証明的申請，系統將會出示 3 項的申請步驟。
如需提交副署人証明的申請，系統將會出示 4 項的申請步驟。
立即詳細了解及嘗試 網上申請續領BNO．超詳細圖文教學
誰可成為合資格副署人？
- 認識你 2 年或以上，可以識別你的身份
- 年滿18歲
- 必需是官方認可的專業人士，如公務員、老師、護士、記者等
- 持有英國 / 愛爾蘭 / 歐盟 / 美國等國藉的有效護照
- 不是你的家庭成員
- 不是和你一同居住
- 不是於 HMPO 工作
查閱更多HMPO建議的專業人士 Recognised professions
參考HMPO網頁 When you must get a signature and who can sign
找不到合資格副署人怎麼辦？
網上雖然有不少過往被要求提供副署人的申請者分享，他們的 BNO 申請即使沒有提交副署人証明亦可續領成功。但我並不建議大家心存僥倖，冒險不提交副署人証明。
首先，HMPO 新的網上申請系統清楚地提醒大家：如被要求提交副署人証明的申請，在你可以提交副署人証明確實你的身份前，HMPO 並不能接收你其他的申請証明文件。
其次，我個人認為萬一你身邊真的找不到一位持有有效英國或愛爾蘭護照的朋友。你只少也可以先找一位 1)持有過期 BNO、2)持有有效特區護照、3)被認可的專業人士作為你的副署人。 因為你只少仍有一位專業人士為你的副署人可被 HMPO 參考你的申請。
需特別留意，如你的副署人並非持有有效英國或愛爾蘭護照，你的申請審批時間可能較長。另外，你除了要提交副署人填寫的表格外，亦必須提交副署人持有有效護照的含相片頁的彩色影印本作証明。
註：以上部分只屬我個人建議，如最終沒有提交合資格副署人的申請，成功與否仍以 HMPO 為準。
副署表格怎樣列印？
當你完成網上遞交申請後，你會得到一個申請編號。首先，要用你的申請編號、登記電郵及出身日期等，登入相關的管理申請系統下載副署表格。
1 / 8
網上申請「完成付款」後，按「Sign in」或 瀏覽 HMPO 登入管理申請系統的鏈結
HMPO 的管理申請系統 https://www.passport.service.gov.uk/track/
2 / 8
登入管理申請系統，選「Yes」，按「Continue」
3 / 8
填入你的「Application reference (申請參考編號)」後，按「Continue」
註：你可以在電郵或手機短訊找到你的申請參考編號。
4 / 8
填入你的「登記電郵」及「出生日期」後，按「Continue」
5 / 8
已登入管理申請系統，按「Continue」
你需要找副署人確認你的身份。 若未完成，HMPO 將不能接收你的申請証明文件。
當你的身份被確認。 HMPO 將會告知你的申請証明文件的英國郵寄地址。
6 / 8
若你的副署人居住香港或英國海外，請按「Download a form」
如果副署人是居住英國並持有有效英國護照，你可以選擇網上遞交副署証明。
如果副署人是居住於香港或英國海外，你只可以選擇以文件形式遞交副署証明。
7 / 8 – 確認使用紙本表格確認你的身份，選「Yes」，按「Continue」
8 / 8 – 按「Download the form」下載及列印你的副署人証明表格
副署証明表格列印需知
- 單面列印
- 使用 A4 呎吋紙張
- 使用「預設大小 / Default Size」 列印
- 黑白或彩色列印
- 不可對摺
當選擇了用紙本提交身份確認，系統便會顯示你所需的英國郵寄地址(內含你的申請編號)。待你預備好所有文件，你便可以寄件到英國等待 HMPO 審批你的 BNO 申請。
詳細了解 BNO 申請証明文件怎樣寄英國？
副署表格怎樣填？
完整的副署表格共有 3 頁，頭 2 頁都是給副署人的指示，第 3 頁才是副署人要填寫的部分。
第一頁｜副署人的要求
什麼人可以當你的副署人？
- 認識你 2 年或以上，可以識別你的身份
- 年滿18歲
- 必需是官方認可的專業人士，如公務員、老師、護士、記者等
- 持有英國 / 愛爾蘭 / 歐盟 / 美國等國藉的有效護照
- 不是你的家庭成員
- 不是和你一同居住
- 不是於 HMPO 工作
註：如果你是居於英國申請續領 BNO，你的副署人亦必須居於英國並持有有效英國或愛爾蘭護照 。
第二頁｜如何確認他人身份
副署人需要：
- 檢查 申請人的資料正確
- 檢查 申請人相片為其本人外貌
- 提交 你的資料及如何認識申請人
- 簽署 聲明
交給申請者：
- 完整3頁的表格（不可對摺）
- 護照含相片頁的彩色影印本（只適用於非持有英國 / 愛爾蘭護照的副署人）
第三頁｜填寫副署人資料及簽署
表格的第 3 頁上部分會顯示申請者的資料及相片(已取代舊系統需於沖曬的證件相片背面簽署聲明的做法)，下部分則需要以大楷英文及黑色筆填寫副署人的個人資料及簽署。
總結
希望我以上詳細的分享可以解答部分讀者對「副署人」及「副簽」有的疑問，也希望大家不會再被「副署人」嚇怕。若有其他關於申請續領 BNO 的問題，歡迎大家閱覽我其他 BNO 分享文章，或在這裡留言提問。謝謝大家。
相關文章
續領BNO｜申請教學
■ 完整申請手續．10分鐘完成．超詳細圖文教學
■ 網上申請系統．圖文詳細教學
■ 副署人、副簽懶人包
■ 查詢有沒有申請過 BNO 的方法
續領BNO｜郵寄教學
■ 申請文件怎樣郵寄英國？空郵好？快遞好？
■ DHL 寄件教學．上門收件 3 日就寄到英國
■ BNO文件郵寄經驗．推薦使用空郵掛號
續領BNO｜成功申請
■ 只需3星期．全新BNO成功申請到手！
■ 續領 BNO 要幾耐？讀者成功案例分享！
■ 收到新BNO護照．有什麼應該做？
我朋友的BNO已過期，不能為我副簽，如何是好？
Hi TC,
最好都係搭上搭問下身邊有冇朋友、同事、舊同學、親戚已續領BNO，而佢地可以幫你副簽????????????
祝可順利續領BNO。
Piggy 晚安
我是已經完成了整個程序了，但過程中沒有列印副簽出來，而是將副署人電郵給了 HMPO ，副署人收到 HMPO 電郵後，在網上直接填寫後便 submit 出去，副署人也沒有儲存檔案及列印出來，問題係對方是在香港居住，而我又收到 HMPO 電郵通知把所需文件寄出，現在就是完全沒法去回副簽的步驟，將副簽列印出來。不知該怎辦？謝謝????????
Hi Emily,
因為我沒有相關經驗。很抱歉我未能解答你遇到的問題????
不過，我建議你可以嘗試回覆HMPO的電郵，提供你朋友已提交網上填妥的副簽表，好讓對方為你跟進～
如果你仍遇到其他問題，亦可直接使用HMPO的詢問服務，查詢你的問題。
https://eforms.homeoffice.gov.uk/outreach/Passport_Enquiries.ofml
//If you haven’t found the information you’re looking for, then please provide details below and we will get back to you.//
P.S. 如果讀者有相關經驗，亦非常歡迎大家互相幫助及交流，留言分享你知道的答案喔????????
我搵左個移民去英國嘅朋友副簽，佢係持有有效bno，副簽bno要佢入work address同postcode，但係佢係programmer，remote緊香港份工，所以work address係香港公司地址，入唔到postcode，試過填0000同999077都唔得，唔知有冇解決方法?
我用居英權証書去申請英國護照，要求文件
the passport used to enter the country from which you are apply (if this applies).
請問要求特區護照正本？
full color copy(every page including blank pages) ifany current or expiref passport from othet countries that haven’t been cancelled
是否影印特區護照？
我已影印特區護照，是否需要再给正本？
我有本過期BNO
Hello chan,
因為我沒有你所提及的相關經驗，所以未能解答你的問題。
建議你可直接向HMPO / 其他具經驗人士查詢你的問題。
Hello,想問點樣可以將副簽紙form改返成網簽？
Hi kaka,
因為現時 HMPO 的 BNO申請系統已更新，而我沒有相關經驗。很抱歉我未能解答你遇到的問題????
但建議你可以使用HMPO的詢問服務，直接查詢你的問題。
https://eforms.homeoffice.gov.uk/outreach/Passport_Enquiries.ofml
//If you haven’t found the information you’re looking for, then please provide details below and we will get back to you.//
P.S. 如果讀者有相關經驗，亦非常歡迎大家互相幫助及交流，留言分享你知道的答案喔????????
Hello, Piggy
請問副簽，當時沒有 download 表格，副處人已在網上回覆了 HM Passport Office ,
現在可如何尋回副簽表格 列印出來寄？ 謝謝????????
Hello Ling,
如果你的申請需要提交副簽，請登入 Hmpo 的網站系統，便可以下載你的副簽表格。此文章內有教學可參考～
PS. 如果你的副署人居住香港，你只可以以文本方式提交副署，即係要登入hmpo 系統，下載、列印及填寫副署表。
除非你的副署人是居住英國並持有有效英國護照，你才可以選擇網上遞交副署証明。
Piggy 晚安
我是已經完成了整個程序了，但過程中沒有列印副簽出來，而是將副署人電郵給了 HMPO ，副署人收到 HMPO 電郵後，在網上直接填寫後便 submit 出去，副署人也沒有儲存檔案及列印出來，問題係對方是在香港居住，而我又收到 HMPO 電郵通知把所需文件寄出，現在就是完全沒法去回副簽的步驟，將副簽列印出來。不知該怎辦？謝謝????????
我都是這個情況，我想請問你到最後是如何處理？謝謝
Hi Ling,
因為我沒有相關經驗。很抱歉我未能解答你遇到的問題????
不過，我建議你可以嘗試回覆HMPO的電郵，提供你朋友已提交網上填妥的副簽表，好讓對方為你跟進～
如果你仍遇到其他問題，亦可直接使用HMPO的詢問服務，查詢你的問題。
https://eforms.homeoffice.gov.uk/outreach/Passport_Enquiries.ofml
//If you haven’t found the information you’re looking for, then please provide details below and we will get back to you.//
P.S. 如果讀者有相關經驗，亦非常歡迎大家互相幫助及交流，留言分享你知道的答案喔????????
Piggy
我print張副簽表格時,為什麼總是不能夠print埋張照片, 如何做？
Hi Jeff,
建議可以換第二部printer試試????
我都試過用屋企printer print 副簽表，但印整張相都係矇????????♀️
結果要請朋友幫我印，又得左喎！
hello ,
我在續已過期17年的BNO時, 系統問我的父母 「do they have a UK passport?」
但因為父母現時手上的BNO都已過期十多年, 那應該輸入「yes / no / I don’t know」呢？
謝謝
Hi AC Lo,
基於我冇類似情況，所以我都只可比個人意見你作參考。????????
我覺得如果你好肯定父母個本係 BNO (而唔係 BDTC)，咁理論上佢地點都可以申請返 BNO身份，咁應該佢地都係 = have a UK passport。咁照計答 yes 應該係無問題。（不過就唔肯定條問題其實會唔會指明要有效 passport????????????，同唔知你答yes後，使唔使填更多父母護照資料）
而如果你唔肯定，咁最保險應該係答 I don’t know 就最穩陣。
????????????????因我我未答過呢個問題，只係比到個人意見你。再唔係，我覺得係你正式比錢遞交申請前，你都仲可以試試答 yes / I don’t know ，再睇睇對後續嘅問題有咩影響同分別，咁你可以再揀你覺得穩陣啲個個答案去遞交你申請啦～
唔知你明唔明我講咩????但希望幫到你。
或者有冇其他讀者有相關經驗，可以幫手解答下？????????????????????????
Hello piggy,
請問副簽人是我的姐夫，那算不算是家庭成員呢？
另外我當年申請時是兒童BNO ，請問現在也可以申請補領嗎？
Thank you
Hi Ms Ng,
請問副簽人是我的姐夫，那算不算是家庭成員呢？
^ 都算係親戚呀
另外我當年申請時是兒童BNO ，請問現在也可以申請補領嗎？
^ 只要係你有成功申請過 BNO，不論你申請時年齡幾細，都可以申請續領嫁！
HI Piggy,
想問下申請人本身係專業人士仲需唔需要副簽？
Tks
Hello Nakata,
申請人需唔需要副簽唔係按申請人職業而定，而係受 5 個可能因素所定。
詳見：哪些申請有機會要提交副署人証明？
另外，係你遞交網上申請時，系統已經會話你知需唔需要副簽嫁啦～
詳見：怎樣知道我的申請是否需要副署人証明？
Hi Piggy,
如果我老公申请BNO 時想搵我個妹做副簽可以嗎? 咁算唔算係親戚關係 ? 我地兩公婆唔係同我個妹同住的~我個妹係現有BNO 護照持有人, 但佢做IT, 唔知算唔算係官方要求的專業人士…
Hi Emily,
如果我老公申请BNO 時想搵我個妹做副簽可以嗎? 咁算唔算係親戚關係 ?
^唔可以呀，算係親戚呀～
可以再試下問下朋友同事有冇 BNO 先？
請問在有限公司做文員有有效BNO 是否可做副署人，謝
Hi Veron,
嚴格黎講普通公司文員唔算係 HMPO 建議嘅專業人員（除非係有指定職級或專業身份**），
但近來多左網民分享就算唔係 HMPO 規定嘅專業，只要有 BNO 都成功幫人副簽。
所以，好正規黎講就未算最合資格，但如果你朋友搵唔到其他副署人，你係可以照試下簽呀～
**//articled clerk of a limited company
chairman or director of a limited company
manager or personnel officer of a limited company//
詳見：https://www.gov.uk/countersigning-passport-applications/accepted-occupations-for-countersignatories
Hi Piggy,
我有朋友是退休公務員和退休教師，他們是BN holder （不是BNO)， 請問職業填什麽呢？ Retired？公司名稱又如何處理呢？另外，想confirm 是否不需要他們有照片護照那頁的影印本？謝謝你！
Hi Michelle,
我有朋友是退休公務員和退休教師，他們是BN holder （不是BNO)， 請問職業填什麽呢？
^寫返佢地退休前嘅職業 / 專業，括埋 Retired 就可以。
公司名稱又如何處理呢？
^個人認為：如副署人同舊公司關係良好，就填左退休前嘅公司地址；無就填返副署人自己住址。（分別應該影響不大，最重要係副署人有合資格護照、認識你2年以上、係專業人士)
另外，想confirm 是否不需要他們有照片護照那頁的影印本？謝謝你！
^係呀，持英國國藉護照唔使比護照副本。但如果你好擔心，想比多啲資料都無妨嘅～
詳見：https://www.gov.uk/countersigning-passport-applications
//If they have a US, Commonwealth, or non-British or non-Irish EU passport, you must include with your application a colour photocopy of the page with their photograph on it.//
希望有解答到你嘅問題????
hi~
請問持有已過期bno專業中人士可以做副簽嗎?
要交舊bno copy ?
thks
Hi Aki,
官方說法：持過期BNO的人是不能成為副署人。
而且，我認為持有合資格護照係副署人嘅首要條件；專業人士係較次要條件。
當然，你真係搵唔到持合資格護照嘅人幫你做副簽，只搵到持過期BNO護照嘅人只好搏一搏，最好梗係影印埋副署人舊BNO有相片頁俾佢啦！
希望幫到你，亦希望你順利續領BNO~
Hi Piggy
我已完成申請手續，但先發現我本bno原來己剪角，是否算損壞
如果算的話可否更正
如果不能更正的話，能否於寄回英國的文件用文字解釋此情況
謝謝你的回答
Hi 輝，
剪左角應該算係 Damaged。
遞交網上申請後，發覺填錯資料，可以遞交 eform 主動聯絡 HMPO詳述有關資料。
https://eforms.homeoffice.gov.uk/outreach/Passport_Enquiries.ofml
佢哋收到後應該會再解釋點幫到你。
如你唔放心，當然可以係寄件時，再附上一封解釋信，詳述有關資料啦????
希望幫到你，祝續領順利。
Hi piggy
我想請問下
如副簽人擁有bno
除了副簽外
是否還要副簽人的bno
有相個頁的copy呢？
Hi waiwai
如果你嘅副簽人係持有效 BNO，咁佢只需要填妥副簽表就可以啦！
唔需要 BNO 副本！
已經付款完成並接收到短訊及電郵，但沒發現可以download文件，的地方。 沒法下載表格交別人做副簽。 請問有聽聞過知道如何處理嗎 ?
HI 明～
如果你要 Download 副簽表，你需要先用申請編號登入返個系統，咁先可以下載㗎。
申請時因為BNO so old, 顯示 ‘first UK passport’ 話可能要到UK ‘passport intervuew’, 都唔知好不好再申請下去?
Hi Go,
關於 Interview 佢都只係話可能需要，而唔係一定。咁即係都係 50% 即。
我自己覺得睇你幾想要返本 BNO，覺得即唔即得畀千零蚊港紙去買個機會。
比我嘅話，我係願意搏下佢唔使 Interview 嘅～
但你就要自己再按需要，考慮值唔值得畀咁嘅錢啦 🙂
Hi Piggy
我呢10‘年因工作關係, 都係長居澳門, 請問我可以用我的澳門地址來做回郵地址嗎?
期待您的回复!
Hi Vincent～
可以呀，唔一定要住係香港先可以申請續傾BNO。
只要係網上申請時揀返你住係邊到，之後又再填返你詳細住址（要有相關住址證明），
咁就可以係澳門申請，係澳門收件嫁啦。
詳細申請步驟可以參考：
http://piggyhygge.com/bno-online-application/
Piggy
我有個問題，想幫朋友一問，如果我朋友，係 1997年前出生，他是 60後，只有藍色硬皮的英國舊護照，並沒申請過 BNO，咁可以再領 BNO 嗎？請幫忙解答。Daisy
Hi Daisy~
沒申請過 BNO，咁可以再領 BNO 嗎？
^唔可以呀， BNO 係 97 年回歸後不再接受新申請。
如果我朋友，係 1997年前出生，他是 60後，只有藍色硬皮的英國舊護照
^ 可能直接向 HMPO 提供「藍色硬皮的英國舊護照」資料，查詢可否續領。
你可向 HMOPO 提交 eform 查詢：
https://eforms.homeoffice.gov.uk/outreach/Passport_Enquiries.ofml
Hi peggy,
有朋友搵我幫佢幅簽, 而我只係一間大公司裏面的小職員, profession 點填呢？填merchandiser 可以嗎？
Hi Apple,
可以呀。寫返你自己嘅職業就可以啦☺️
你好好，幫人填仲專登上黎問吓先。
祝你朋友順利續領BNO~
你好Piggy
我有幾個問題想問:
1) 18歲時HKID 加左英文名, 同出世紙姓名唔同, 申請BNO 時係咪要提供証明?無做到改名契, 可唔可以去民政署做宜誓, as 一個証明?
2) 本人申請, 填寫父母資料時, 國籍一項, 係應該填BNO 定係Hong Kong (父母於本人出生時已有BNO的)?
3) 父母申請BNO要寫解釋信講無佢地父母既出世紙同結婚証書, 請問有無TEMPLATE 可參考?
謝謝
Hi 80後～
18歲時HKID 加左英文名, 同出世紙姓名唔同, 申請BNO 時係咪要提供証明?
^係
可唔可以去民政署做宜誓, as 一個証明?
^如果宣誓紙可作改名證明，就應該可以
本人申請, 填寫父母資料時, 國籍一項, 係應該填BNO 定係Hong Kong (父母於本人出生時已有BNO的)?
^ 應該係 HONG KONG，因為有 BNO 不代表有英國國藉
父母申請BNO要寫解釋信講無佢地父母既出世紙同結婚証書, 請問有無TEMPLATE 可參考?
^ Template 上 Google Search 下就會搵到，都係講返多年前已遺失所以無法提交。
BNO副簽有欄要填僱主名和地址，但我好似填左公司名和地址，已經寄出左????，好擔心會唔會因為咁而唔能夠成功申請，希望你可以解答到我，謝謝你！
Hi Priscilla,
就算填錯少少野都唔需要太擔心，如果資料或文件有錯，或者需要補交。HMPO會經電郵再通知你。通常唔會即刻話唔批。
而副簽個欄要填僱主定公司資料。
我自己例子係填公司名同地址，所以亦係唔需要咁擔心。
Hello Piggy
請問我細佬是專業人仕, 不同住, 但沒有效的BNO, 可否做我的副簽?
Hi Estella, 副簽人首要條件係要有本合資格有效護照呀。細佬無BNO其實係唔ok呀，會唔會再試下問多幾個朋友同事先？
Hi
我副簽要澳洲朋友簽的。一定要寄會正本給我嗎?還是彩印都可以?
Hi Lili,
雖然 HMPO 好似冇明確講要正本定副本，而我都唔係 100% 肯定。
但我自己認為就應該係要交正本。
因為 HMPO 指出嘅正常程序係：
你列印份副簽表 > 交比副署人填寫 > 副署人填完 > 交返份副簽表比你
過程中，唔似係可以交副本。
但你想確認係咪真係唔得～係可以查詢 HMPO 的～
1) 我丈夫被識別為新申請, 佢持有嘅BNO係1993年或之前簽發, 而佢需要提交嘅文件多咗一項 the passport used to enter the country from which you are applying (if this applies), 咁我是否必需要將特區護照正本寄過去? 定只需要比特區護照彩色影印本就可以?
2) 另外填表時問 Do you have a naturalisation or registration certificate? 我是填否的, 但佢仍然要求提交這個證明, 但我丈夫沒有, 是否就不需要提交? 他的父母出世紙及結婚證書也沒有, 是否寫一個簡單聲明說明遺失就可以了?
Hi Elsa~
1) 如果佢無話明交副本，即係要你交正本。
2）所有HMPO如果要求你提交的證明文件，你冇辦法提交，一律寫封聲明書比HMPO 說明原因。
你好~ 我想問一下我想揾個英國朋友，做副簽人，他居住英國及持有效英國護照，我想問下副簽表格方面，他可以上網幫我遞交嗎？ 步驟如何？ 找朋友副簽，相識要夠兩年，是否重要？
Hi~
你個名真係又長又特別????????
他居住英國及持有效英國護照，我想問下副簽表格方面，他可以上網幫我遞交嗎？
^按申請系統所講，可以！
步驟如何？
^第一步一定係你登入返個申請系統，再揀返決定online搵人副簽。
然後嘅步驟，我未試過，未答到你真實係點。
但估計HMPO係會send email比你嘅副署人做副簽。
因為HMPO相關內容提到：
//You’ll get an email from HM Passport Office if someone has asked you to confirm their identity.
You should confirm their identity as soon as possible after receiving the email. The applicant cannot get their passport until their identity has been confirmed.//
詳情：https://www.gov.uk/confirm-identity-online-for-passport-application/how-to-confirm-someones-identity
找朋友副簽，相識要夠兩年，是否重要？
^重要，因為呢項係副署人嘅基本條件。
希望以上內容幫到你。
你係我第一個聽見會有一位朋友係英國幫你做副簽嘅人呀????
如果成功續領，都歡迎你返黎同我分享返㗎！
祝你續領BNO一切順利☺️
您好! 想請問有BNO但只是在公司做辦公室助理的同事可否做副簽? 會否因為職位而被拒? 另外, 如果專業人士有BNO做副簽, 但待業中, 僱主一欄應該怎樣寫? 可否用居住地址? 謝謝!
Hi CK Chan, 謝謝你嘅提問呀~
想請問有BNO但只是在公司做辦公室助理的同事可否做副簽? 會否因為職位而被拒?
^ 一年前我申請時，較多網民分享專業資格係一項比較重要嘅條件。但係呢排網上多咗網民分享，就算唔係專業資格做副簽人，都可以成功續領BNO。我覺得都可以考慮一試。
如果專業人士有BNO做副簽, 但待業中, 僱主一欄應該怎樣寫? 可否用居住地址?
^純粹我個人意見：如果朋友同舊公司關係良好，可能係提供舊僱主資料同地址都可以？因為 HMPO建議嘅專業資格，連退休人士都接受，我估待業都應該可以掛。
如果唔係，無辦法下唯有都係寫住副署人住址先啦～
因為我身邊識嘅朋友都搵到副署人，所以我無一手資料分享到????但希望我嘅建議幫到你啦～
如果你日後用左以上方法，都歡迎你返黎分享成功結果㗎????
祝你順利續領 BNO!
副簽Form print 黑白可以嗎?
副簽Form 有一欄需要填工作地址,但唔夠格數填,點算好…
希望解答到我問題,謝謝!
Hi Priscilla~
副簽Form print 黑白可以嗎?
^可以呀～我都係印黑白嫁????
但唔夠格數填,點算好…
^我老公幫人填個陣都係多左十幾隻英文字母，佢個陣照細細隻字寫出框，寫埋佢咁交。然後佢朋友成功續領～
非常樂意解答你嘅問題，希望我可以幫到你啦！
祝順利續領BNO????
請問地址證明用銀行月結單可以嗎？如果用稅單作地址證明印副本俾佢可以嗎？
謝謝你！
我自己係寄報稅單正本。
有朋友試過係寄2-3張銀行月結單正本。
我哋都成功續領。
你或者考慮寄銀行月結單正本，加埋稅單影印本，會唔會放心啲????？
你好，
我只能找到擁有過期BNO既專業人士，可以做副署？
填表格時應該填舊BNO護照號碼，抑或係現時可使用出國既護照？
謝謝！
Hi Pinochopper~
我只能找到擁有過期BNO既專業人士，可以做副署？
^按官方要求，不可以。
但如果真係搵唔到人幫手，可以一試。
填表格時應該填舊BNO護照號碼，抑或係現時可使用出國既護照？
^我認為填過期BNO號碼會更好，HMPO應該都仲會搵到佢嘅身份記錄，但可應就影印埋你副簽人嘅護照副本提交。
請問bno申請，需要交副簽人的bno副本(有相個頁)嗎? 有一些網站話要交
如果父母在內地結婚，文件全中文需要遞交嗎?
沒有父母出世紙，需要寫解釋文件嗎?
謝謝!
Hi Cathy~
需要交副簽人的bno副本(有相個頁)嗎?
^如副簽人是持有BNO，他不需提交護照相片頁。
如果父母在內地結婚，文件全中文需要遞交嗎?
^如果需提交HMPO的證明文件是中文，按HMPO要求，是應該先搵專業人員翻譯再提交。如沒有提交翻譯，HMPO 可能會要求補交。
詳情：https://www.gov.uk/certifying-a-document
沒有父母出世紙，需要寫解釋文件嗎?
^需要
請問，副署人（有BNO）淨係填表就可以，使唔使比其他文件？
重有就係，表格上問點識…寫朋友搭朋友？????
Hi Nok~
副署人（有BNO）淨係填表就可以，使唔使比其他文件？
^係呀，有BNO嘅副署人只係幫手填表就可以，唔需要比其他文件。
表格上問點識…寫朋友搭朋友？
^如果係朋友，可以就咁寫「Friends」就得～
祝 順利續領 BNO????
你好，我想問下我有朋友BNO係括住oversea係咪都可以幫忙到副簽？
Hi Ching,
只要有未過期嘅 BNO 就可以了。
如果冇標明文件要original，係咪全部比copy就得
Hi Gary,
如果冇標明文件要original，係咪全部比copy就得
^ 唔係呀！係所有提及嘅文件都需提交正本，除非係有特別指明要交影印本，咁嗰啲先可以交影印呀！
//You must send the original documents, unless we ask for a photocopy.// – HMPO個申請系統有寫。
父母出世紙同結婚証書，都係要original？
理論上係。
如果你好怕會唔見，你可以考慮用快遞寄件，咁會安心啲。
或者都仲係好擔心，就考慮試唔試照寄彩色影印本比英國護照署～
（補充：但唔寄正本始終會有被HMPO不接受的風險，如果真係要寄副本或無正本寄比HMPO，通常都要寫封解釋信。同埋當完成審批，所有正副本文件，HMPO最後都會用DHL寄返比你㗎。）
hello Piggy
想問如果係透過朋友認識, 咁如何認識個度應該填咩呀?thanks!
Hello Jenny,
係指定個欄填寫「Friends」就可以了～
祝 順利續領 BNO????
幫我既副簽既人係大學生，未有工作，地址個度應該填佢居住地址嗎？佢都有bno既。謝謝你
Hello Pan
如果你真係真係真係搵唔到個持 BNO 嘅專業人士幫手副簽，
決定要搵大學生幫手。
咁我個人會建議僱主同工作地址個欄寫大學名同大學地址好似好D～
大學校舍地址感覺好似可靠過個人住址嘛。
不過以上純屬我個人意見。希望幫到你少少啦 😀
祝順利續領 BNO！
請問一下我有同學係持有bno既，但佢而家係大學生，咁可唔可以幫到我副簽？
Hello Yan~
雖然學生唔符合 BNO 副署人的專業資格，但最近見網上多左人分享只要持有效 BNO（職業不屬專業人士）都可以成功幫人副簽。
如果你真係真係真係搵唔到個持 BNO 嘅專業人士幫手副簽，我覺得都可以一試嘅。
祝你好運～順利續領BNO！
請問什麼是HMPO？
找專業人仕容易，但要加上有BNO護照就很難，是否專業人仕的BNO一定要未過期？
HMPO 全名是 Her Majesty’s Passport Office，即是英國護照署，是處理 BNO 申請的英國部門。
其實我認為副簽人有未過期的合資格護照，會比他的職業是否屬指定專業人士更重要。
而根據網上的網民分享，有人搵過有BNO，但唔係專業人士做副簽，成功批核。
亦有網民分享有搵過有過期 BNO 的專業人士做副簽，成功批核。
但以上例子唔係我親身個案，
所以如果你真係搵唔到符合要求嘅人幫手做副簽，
都只係搏一搏 HMPO 批得鬆唔鬆手比你。
請問副簽人仕，是否一定要持有BNO？
Hi Apple，
其實副簽人唔一定要持有 BNO，佢可以持有其他 HMPO 接受的護照都可以，
包括：英國 / 愛爾蘭 / 歐盟 / 美國等國藉的有效護照。
不過香港人比較容易搵到持有 BNO 護照（是英國國藉護照的其中之一）嘅人，幫手做副簽。
Hi Piggy
請問副署人是已退休的專要人士, 在填寫表格時, 除了要填寫他的職業之外, 需要註明(BE RETIRED) 嗎?
Hi~Aggie~
我覺得可以照寫埋都OK，理論上如實填寫好副簽表就OK，同最最重要係副署人係有本合資格嘅護照。
我去到續期網站睇，副署人需持有UK passport, BNO 都算係？ 如朋友係持德國護照，又可唔可以？ (英國已脱歐，有無影響？)
Thanks!!
HI SK~
副署人需持有UK passport, BNO 都算係？
^ 係呀，BNO 護照係英藉護照之一，HMPO都接受呀。
如朋友係持德國護照，又可唔可以？(英國已脱歐，有無影響？)
^可以，因 HMPO 網頁上顯示仍接受歐盟護照。
⚠️但記得要附上埋副簽人個本德國護照嘅有相、有資料個頁嘅彩色影印副本。
詳見：https://www.gov.uk/countersigning-passport-applications
//If they have a US, Commonwealth, or non-British or non-Irish EU passport, you must include with your application a colour photocopy of the page with their photograph on it.//
Hello 我想問下副簽個張form印出張相係咪仲係到? 因為我頭先print出黎 張相個個位係無左 🙁
thankssss
Hello Gigi
副簽個張form印出張相係咪仲係到?
????????係呀！無論黑白定彩色列印，張相都會印埋出黎。
我頭先print出黎 張相個個位係無左
????????咁先試印多次? 或搵朋友printer幫手印? 如果都係唔得可能要搵HMPO 問問。
請問副簽那份表可以用電腦手寫筆填寫後再打印出來嗎？（副署人以 email 將填好的文件發給申請者）
Hello, K.Chan~
請問副簽那份表可以用電腦手寫筆填寫後再打印出來嗎？
>很抱歉喔，我不能太肯定告訴你可以/不可以。
因為我身邊的申請者都是先列印，之後再用黑色原子筆填寫及簽署。
所以我個人是建議如情況許可，最好是先列印後填寫。
另外, 我見副簽表的填寫要求，好像只有在表格的第3頁中有列明：
“Complete in CAPITAL LETTERS and in BLACK INK.”
對於 “BLACK INK” (黑色墨水) 的定義是指只可使用原子筆/墨水筆，或是也可以接受打印墨水，
我個人不能回答你正確答案。
如你真的難以找副署人把親筆填寫的表格給你，又想知道正確答案，
我建議你可善用HMPO嘅webchat服務，問清楚。
詳情： https://www.gov.uk/passport-advice-line
請留意開放時間(英國時間)：
Monday to Friday, 8am to 8pm
Weekends and public holidays, 9am to 5:30pm
香港的時間比英國快 8 小時
又長氣左，希望以上可以幫到你啦????
你好，我找到了一個持bno 護照的專業人士副簽，請問需要附上他的bno passport 有相片頁copy 嗎？
謝謝
Hello, Susie!
唔使呀！你嘅副署人係副簽份表填好佢嘅BNO no. 同其他資料就可以交得！記得叫佢用黑筆同英文大楷填寫☺️
⚠️唔係拎BNO/ 英國護照/ 愛爾蘭護照個啲副署人，先要交埋護照相片頁 copy!
祝你早日成功續領BNO????
3人家庭成員可否同ㄧ副署人副簽?
Hi~Bonnie!
理應可以，因我老公也有相關的副署人經驗，他同一時間替朋友（兩兄妹）副簽，而兩位申請人都成功續領。
只要你們的副署人符合條件，例如他不是與你們一家同住、不是你們的家庭成員等。重要的是他已認識你們一家兩年或以上等等。
希望可以解答到你的疑問。祝續領成功！
請問一下設計師可以當副簽嗎?謝謝
Hi~Camille! 謝謝你的提問。
雖然我參考的資料中，沒有指明設計師不可成為副簽人。
但要留意「設計師」卻沒有被HMPO列入為專業人士。
所以建議除非沒有辦法，否則最好是找一位持有有效BNO/英國護照/愛爾蘭護照、並是HMPO認可的專業人士為你副簽。
例如：護士/教師/記者/會計師/公務員等等。
詳情亦可參考文中提供的連結，查找更多HMPO認可的專業人士。
另外，也祝你平安夜及聖誕節快樂????
找一個已經有新 BNO 的人副簽，可以嗎？
他是專業人士。
Hello, Ms Chan Chan~
當然可以，佢只要為你填寫好副簽個份表，就得！
記得提埋佢要用黑色原子筆及大楷英文填寫!
預祝你BNO盡快成功申請到手! 😀