【信用卡】將還款期免費延長的秘技！用信用卡找卡數方法！

如果你有用開信用卡，以下呢個找卡數方法你一定要識！因為實在太著數！

只要你識用指定信用卡找其他信用卡卡數，就可以實現免費延長信用卡還款期！

即係每月你都可以多一筆現金流，仲可以用黎賺存款利息或其他短期投資。

一般找信用卡卡數的方法

一般繳交信用卡費用嘅支付方法有：

• 繳費靈 PPS
• 自動轉賬
• 網上銀行 e-banking
• 自動櫃員機 ATM
• 支票

相信大家對以上繳交信用卡卡數嘅傳統方法唔陌生，而以上方式的其中一個共通點就係：需要用自己嘅資金或銀行存款去找卡數。

不過，只要你識得用信用卡找信用卡卡數，咁就可以用信用卡嘅信用額去還卡數，變相可以再次延長還款期。

用信用卡找卡數方法

其實用信用卡找信用卡卡數並唔係咩「新鮮事」，因為呢個手法一直存在，甚至一直被俗稱為「卡冚卡」。

用信用卡找卡數嘅原理係：部分銀行可以提供繳交其他銀行信用卡賬單嘅服務，並且可以使用該行之信用卡作為支付方式。所以，變相令你可以延長其他銀行信用卡卡數嘅還款期。

信用卡找卡數的信用卡選擇

可以用黎找卡數嘅信用卡選擇其實唔少，不過就唔係間間銀行都可以免手續費。

信用卡	繳交信用卡賬單｜手續費
MOX Credit	❎ 無
恒生信用卡	❎ 無
中銀信用卡	✅ 有
大新信用卡	✅ 有
東亞信用卡	✅ 有

*上述手續費收費可因銀行政策或推廣活動而更改。

當中可以用作支付其他銀行信用卡卡數並可免收手續費的信用卡只有 MOX Credit 及恒生信用卡。

所以，要實現免費延長信用卡還款期，其實你嘅選擇只有 2 個！而當中比較推薦申請使用嘅會係 MOX Credit，原因下面會再解釋。

找卡數的信用卡推介

首選：MOX Credit

只要成為 Mox Bank 客戶並申請到 Mox Credit 就可以用 Mox App 繳交其他銀行信用卡嘅賬單費用。

推介用 Mox Credit 找卡數原因：

• 繳交信用卡賬單 0 手續費
• Mox Credit 批出信用額較高（可達 10萬以上）
• 申請 Mox Credit、登記其他信用卡賬單及繳付賬單，全程可於 Mox App 攪掂，勁方便
• 可繳交的信用卡選擇眾多，例如：渣打、星展、中銀、匯豐、恒生、富邦、建行、信銀國際、安信財務、美國運通、AEON…等

使用 Tips：

• 繳交信用卡賬單限額＝信用卡信用額
• Mox Credit 繳費需時，非辦工時間（即工作天 4:00 pm 後）繳費，需多一個工作天辦理
• Mox Credit 只可經由 Mox Acc 存款找卡數，不支援 PPS
• 記得要準時找 Mox Credit 卡數
• 「卡冚卡」要量力而為，借定唔借，還得到先好借！

次選：恒生信用卡

如果唔習慣使用虛擬銀行 Mox Credit，咁你可以選擇用傳統銀行－恒生銀行信用卡，一樣可以免手續費繳付其他信用卡賬單。

不過用恒生信用卡找卡數就唔及 Mox Credit 咁方便，因為想用恒生信用卡找卡數，你首先要落銀行分行登記你嘅信用卡賬單。而且恒生 e-banking 可登記嘅信用卡係無 Mox Credit 咁多。

推介用恒生信用卡找卡數原因：

• 繳交信用卡賬單 0 手續費

使用 Tips：

• 繳交信用卡賬單限額＝信用卡信用額
• 一定要事前去恒生分行遞交指定表格完成登記信用卡賬單
• 記得要準時找恒生信用卡卡數
• 「卡冚卡」要量力而為，借定唔借，還得到先好借！

總結

只要你自問理財有道，可以每月準時還清所有信用卡卡數，咁其實「卡冚卡」用信用卡找信用卡卡數並唔係咩壞事。

而且識得用，仲可以每月為自己帶多一筆現金流，單單放係活期存款戶口賺息都抵啦！

不過信用卡始終都係貸款產品，最重要都係要「量力而為」！如果自問自己還款能力唔高，就唔好亂用！建議可以揀翻啲傳統方法找卡數！

常見問題